གང་ལ་བཞུད་སོང་།
གང་ལ་ཕེབས་སོང་།
མན་དྷི་ལ།མི་ཡུལ་གྱི་ལྷ་བུ།
འདྲ་མཉམ་གྱི་གཤོག་པ་ཐོགས་ནས།
རང་དབང་གི་ནམ་འཕང་བཅད་ཡོད།
མནར་གཅོད་དེ་གང་གི་ཆེད།
བཟོད་བསྲན་ནི་སུ་ཡི་ཕྱིར།
དྲན་ཡོད།དྲན་ཡོད།
ཁ་བ་རི་བོའི་འདབས་ནས།
དྲན་པ་སྤྲིན་ལ་བསྐུར་ཡོད།

གང་ལ་བཞུད་སོང་།
གང་ལ་ཕེབས་སོང་།
མན་དྷི་ལ།མི་ཡུལ་གྱི་ཤེའུ་ཆུང་།
བདེན་དོན་གྱི་མཆོངས་ལྡིང་བྱེད་ནས།
རྟོགས་སད་ཀྱི་རི་ལུང་མྱུལ་ཡོད།
མནར་གཅོད་དེ་གང་གི་ཆེད།
བཟོད་བསྲན་ནི་སུ་ཡི་ཕྱིར།
དྲན་ཡོད།དྲན་ཡོད།
སྙིང་ཆུང་དམར་བོའི་མདངས་ནས།
ཡི་རང་བློ་ལ་བསྐྱིལ་ཡོད།

༢༠༡༣ ༡༢ ༦